اعمالنا

الاحداث والمؤتمرات

امن المعلومات

العملات الرقمية

فوركس

إعلان أعلى الموضوع


كلام عجبني 
اهم شي ما يكطع - Performance & Optimization
بشغل البرمجة خاصة المواقع كلمة الاداء كلش مظلومة ... لان 90% من الناس تختصرهة بكلمة "ما يكطع" الحقيقة انه برنامج يشتغل بدون تقطيع مو معناها برنامج ادائه عالي...
الاداء ينقسم قسمين:
- الاداء الظاهر (خل نسميه السرعة كمثال)
الي يحس بيه المستخدم بشكل مباشر مثل سرعة تحميل, سرعة استجابة, حركة سلسة بالانميشنز الخ..
- الاداء المخفي (خل نسميه الموارد)
هو كلشي "لا يرى بالعين المجردة" يعني استخام الرام, حجم التحميل من الانترنت, اللود على الCPU الخ..
المشكلة انه التركيز حاليا كله موجه للشكل والفيكات بدون التفكير للمستقبل مثلا لا سامح الله وموقعك اشتهر وصار حشاكم فيسبوك جديد؟
شراح تسوي من يصير لود؟ موقعك يكوم يعلس وتخسر ذروة الشهرة والدعاية وتطلع بسمعة تعبانة وتتحول من موقع احتمال يشتهر الى موقع خربان وكل الدعاية والشغل وتعب وجذب المستخدمين يروح وحتى يرجع تحتاج فد 10 اضعاف الشغل حتى تغير فكرة "الموقع خربان اني جربتة اول ما انفتح"
اغلب المبرمجين مستعدين يضحون بالموارد في سبيل السرعة وحتى لا يكولون على شغلهم "ثكيل ويكطع" يعني عادي يسوي لووب تاكل المعالج اكل لو يسوي كويري للداتابيس عشرطعش مرة بالثانية ويخنك السيرفر
لمجرد انه الشكل الي يريدة او طريقة عرض المعلومات ما تصير بالبووتستراب وما يعرف يسويهة يدوي 
او ما يعرف يسوي debug ويطلع المشكلة الي كاعد تصير وتخلي الموقع بطيئ
ف يكلك اخلي السيرفر يحسب الهوسة وينطينياها مرتبة وجاهزة اسهل...
حاليا العالم كاعد يتوجه لسيرفرات الكلاود الي هية كلهة فواتير هلكد صرفت رام هلكد معالج هلكد انترنت .. وتجيك فاتورة حالهة حال فاتورة المي لو الكهرباء مال بيت...
يعني مثلا من الامور الي هواي ناس تسويهة
- يرجع معلومات مقال كامل وية النص ولنكات الصور واللايكات والخ.. بس لانه رايد اسم المقال.. او اسم الكاتب
- يضحي بالتحميل على الموبايل من يفتح الموقع (وبذبهة براس الانترنت) مقابل كم ملف جافاسكربت زايد علمود كم فيكة يسويهة بالموقع... 
كوكل قبل فترة طلعت احصائية تكول 53% من الي يتصفحون بالموبايل يسدون الموفع اذا ما فتح خلال 3 ثواني وسموهة 
TTL - Time to load
وخلوهة من ضمن مجموعة قياسات باكستينشن مال كروم اسمهة 
Lighthouse
https://developers.google.com/web/tools/lighthouse/
جربوهة على مواقعكم بالله اكيد مراح نوصل لل 100% بس اكو امور هواي تتوضح
الاداء والاوبتمايز كلش مهم بالسرعة والموارد, سيرفر, متصفح, تلفون الخ...
كل كيلوبايت بالرام مهمة كل سايكل بالمعالج مهمة كل اتصال بالداتابيس مهم

ليست هناك تعليقات:

إرسال تعليق

اسعار العملات

إعلان أسفل الموضوع