اعمالنا

الاحداث والمؤتمرات

امن المعلومات

العملات الرقمية

فوركس

إعلان أعلى الموضوع



السلام عليكم




### طـــــــــائــــــفــــــيـــــة ###
مقال جميل وبل الاخص لمبرمجي الويب وتطبيقات الفون 😋 واغلب المشاكل مواجهتني 
والقصف عليه و ع نماذجي العجوزيه😂
صار فترة تصير عركات على الخفيف بموضوع الابلكيشنات النيتف والهايبرد والويب فيو...
مبدئيا الكل متفق انه النيتف احسن من ناحية الاداء بس المشكلة اكو هواي فاهمين الموضوع غلط او وجهة يباوعون للموضوع من زاوية وحدة
الهايبرد سواء ويب فيو او رياكت هوة اقل من النيتف صح بس مو للدرجة انه كلشي هايبرد غلط وبطيء ومليان مشاكل والنيتف هو الحل الامثل يقضي على 99% من الbugs 
الفرق الي كاعد نلاحظة حاليا بين الهايبرد والنيتف هوة سوء استخدام لا اكثر ولا اقل
ابسط مثال شركة Uber
اوبر شركة 100% من شغلهة بالابلكيشن نجاحهم و ملياراتهم كلهة معتمده عليه... اوبر بالاصل ابلكيشن phonegap واذا تدورون شوة بكوكل راح تلكون كومة حجي على الموضوع..
الابلكيشن الثاني هوة الانستاكرام.. الفيسبوك اشتروه ب اكثر من مليار دولار والابلكيشن مالته ويب فيو
واحد من المصادر الهواي https://www.designernews.co/…/22596-what-are-some-examples-…
وهواي ابلكيشنات ناجحة ومتحملة ملايين المستخدمين هي او على الاقل بدت وانتشرت ونجحت وهي هايبرد..
Facebook - React native
AirBnb - React native
Discord - React native
Amazon App store - hybrid
Gmail - hybrid
khan academy - hybrid
Evernote - hybrid
twitter - hybrid
طبعا اغلب هاي الابلكيشنات انتشرت قبل سنتين الى 3 سنين يعني الهايبرد وال html/css/js جان بحالة اتعس بهواي من اليوم.. اليوم اكو رياكت نيتف واكو زامرن مال مايكرو سوفت واكو هواي بعد نص هايبرد نص نيتف فريمووركس ويوم عن يوم كاعد تصير احسن واحسن
كل ابلكيشن بيه وظيفة معينة... لنفترض هسة سواق ثنين بشركة مطلوب منهم يوصلون طرد من نقطة 1 الى نقطة 2 الاول عده مارسدس موديل 2099 والثاني تيوتا موديل 1980 ثنينهن بحالة ممتازة وماكو عطلات والشارع مال مدينة والسرعة محدودة 40 يعني الثنين راح يمشون نفس السرعة كل المطلوب توصيل الطرد...
الثنين راح يوصلون بنفس الوقت ويكملون المطلوب بنفس الكفائة... اذا صار خلل فالخلل الوحيد الي ممكن يصير اذا السايق اثول ويتيه لو يطب بنخلة..
الفرق الي كاعد نلاحظة حاليا بين الهايبرد والنيتف هوة سوء استخدام
- برمجة الويب اسهل بهواي من الجافا او السوفت خاصة انه الادوات مكومة بالانترنت كلشي جاهز... لذلك المبتدئين والماعدهم خبرة كلش هواي.
- النيتف ما ينطيك مجال للخطا مثل الهايبرد لذالك الهايبرد اغلب الاحيان تطلع بيه مشاكل اكثر.
- هواي من مبرمجين الهايبرد هم بالاصل مبرمجين ويب ماعدهم شغل او جتهم اوامر ومحولين لاستغلال فرصة عمل او سد خانة.
- اغلب مبرمجين اليوب بالعراق تربية جامعاتنة او دوائر حكومية او شركات الخاصة الي كل شغلهة الثكيل تسويه برة والمبرمجين شغلهم يسوون صفحة مال اعلان علسريع لو يديرون الفيسبوك لو كلش كلش ينطوه موقع فطير 80% من شغله بووتستراب
المشكلة الاساسية هي استخدام غلط هواي شركات عملاقة سوت مليارات من ورة الهايبرد وياريت الهايبرد مال اليوم... مال قبل سنتين لو 3 كله مشاكل ولعبان نفس... 
يومية تنزل برامج جديدة واغلبهة مو نيتف .. الفرق بسيط اذا تبرمجت صح لا تكلي برنامج مطعم لو سينما يكطع لانه فقط مو نيتف ... اكو برامج حتى ممو برامج موبايل مثل atom على سبيل المثال مو نيتف.. المتصفح Vivaldi متصفح ويب كامل مو نيتف 
html/css/js
#dthebug

ليست هناك تعليقات:

إرسال تعليق

اسعار العملات

إعلان أسفل الموضوع