اعمالنا

الاحداث والمؤتمرات

امن المعلومات

العملات الرقمية

فوركس

إعلان أعلى الموضوع

خل نجي خطوة خطوة  * ملاحظة * الكلام باللغة العامية 
شلون تُخترق هاي الحسابات؟
--
كل الي يصير هو بسبب عدم الاهتمام بحماية الحساب على سبيل المثال:
• شخص مأكد حسابه برقم أمريكي
او اي رقم ثاني غير رقمه الخاص يااعزائي هاي الارقام بين كل فترة تروح لشخص ثاني ف ممكن يفتح حسابكم يمه
• السبب الثاني تسجلون خروج من حسابكم وتنسون الباسوورد ومن تسون استعادة لكلمة السر ماتتذكرون البريد الالكتروني الي رابطينه عليه او مايكون مفتوح حتى توصلكم عليه رسالة تعيين كلمة سر جديده
• سبب ثالث ممكن يصير عن طريق التخمين ، يعني اذا جان باسووردكم ضعيف مثل جماعة (2018 مرتين)
•السبب الرابع بسرقة حسابات الانستا هو برامج ومواقع زيادة المتابعين 🤦🏻‍♂
وهواي اسباب و اساليب وخدع تخلي حسابك اختراقه يكون سهل
--
شلون تحمون حساباتكم؟
كلامي هنا يخص كل حسابات التواصل الاجتماعي (انستا/ فيس/ تليكرام/تويتر ...الخ) الخطوات الي راح اذكرها مو من جيبي ، وانما كل تطبيق تواصل يوجب عليك تسووهن حتى تحمون حساباتكم .
مادام انتو حالياً تقرون هذا البوست وحساباتكم مابيها اي شي وكلشي تمام اتبو هاي الخطوات الي تساعدكم بتأمين حساباتكم
|| قبل لا يوكع الفاس بالراس 🙃 ||
الخطوات :
١- تأكد من البريد الالكتروني الي رابطين عليه حسابك يعني لازم مفتوح بجهازكم وتكدرن تستقبلون عليه رسائل ولازم تعرفون كلمه السر لبريدكك ولازم يكون بريد موثوق يعني مو تسوون وهمي هيج ماينفع استخدم مثلا gmail او Outlook وغيرهم .
٢- تأكد من رقم الهاتف الي رابطين عليه حسابكم يعني لازم يكون خطكم موجود تكدرون تستلمون عليه رسائل واتصالات مو (ضايع) وارجع واكول لا تستخدمون ارقام امريكية مال برامج بالإضافة الى رقمكم لا تسوون عليه اكثر من حساب خلي مربوط بحساب واحد فقط .
٣- استخدام كلمة سر قوية وصعبة التخمين (من رموز وارقام واحرف انكليزية وعربيه) .
مثل
([email protected]@AhmeD..)
٤- وهاي اهم خطوة الي هي تشغيل المصادقة الثنائية او التحقق بخطوتين
(tow factor authentication)
يعني اي شخص حتى لو كان يمتلك باسوورد حسابكم ماراح يفتح الحساب الا يدخل الكود الي يوصل برساله
(على رقم هاتفك الي رابطينه ويه حسابكم)
--
طريقة تشغيل المصادقة الثنائية على الانستا كالاتي : الاعدادات > المصادقة الثنائية > تشغيل
وراها راح يدزلكم كود على رقمكم تكتبونه بالخانه الخاص بي وهاي هي بهيج حالة تفعلت عدكم المصادقة الثنائية
--
طريقه التحقق بخطوتين على التليكرام
والي هي أيضاً حتى لو جان الشخص عنده رقمكم وودخل الكود ماراح يكدر يفتح الحساب الا يدخل كلمه سر "
تشغيل هل خاصية كالآتي: الاعدادات > التحقق بخطوتين > اكتبو كلمه سر خاصة بحسابكم > وراح يطلب منكم بريد الكتروني حتى اذا صار شي او نسيتو كلمه السر ممكن تستعينون بالبريد الالكتروني ، وخلص هل خطوات البسيطة تأمنون حسابكم على التليكرام
--
تأمين حساب الفيسبوك بميزة المصادقة الثنائية :
الاعدادات والخصوصية > الاعدادات >الأمان وتسجيل الدخول > المصادقة الثنائية > تشغيل
وراها راح يدز كود لرقم هاتفكم الي رابطين ويه الفيس تكتبون الكود بالحقل المخصص وهاي هي بعد اي شخص مايكدر يدخل على حسابكم حتى لو كان يمتلك الباسوورد والاميل الا بموافقة منكم .
شرحت الطريقة للفيس والانستا والتليكرام لان الاغلب يستخدمهن اما بقية مواقع التواصل كلها نفس الطريقة ونفس الآلية .
واخيرا
ماكو امان بنسبة 100% ، لا تخلون معلومات حساسة بأي حساب الكم .
و ياجماعه احتفظوا بالبريد الالكتروني والرقم مالتكم لا تنسوهن .....
وهاي معلومات بسيطة لكن مااعرف ليش هواي ناس غافله عنها ، اتمنى تفيدكم وتكونون اكثر وعي بهيج امور 

المصدر - فرقة الـ C4

ليست هناك تعليقات:

إرسال تعليق

اسعار العملات

إعلان أسفل الموضوع